Niyə susursan, polkovnik?

elxan elatlıYazar

Bax, pilləkənin bu yerində Qasımlı onunla üz-üzə gəldi. O, polkovnikin düz gözünün içinə baxdı. Heç tükü də tərpənmədi bu zaman. Sonra isə addımlarının sürətini artıraraq çıxıb getdi. Qorxudan mı artırdı addımlarının sürətini? Xeyr! O, heç qorxub-eləyənə bənzəmirdi. Sürətini də qəfil ona görə artırmışdı ki, Qasımlını şübhələndirsin. Qəribədir... Amma yox, polkovnik Qasımlı üçün qəribə heç nə yox idi bu dünyada. Onun üçün yalnız cavabı hələlik tapılmamış suallar vardı və bu sualların cavabı gec-tez tapılmalıydı. Deməli, caninin bu hərərkəti də qəribə-filan deyildi. Sadəcə, maraqlı idi Qasımlı üçün. Amma çox maraqlı idi...